Farooq Engineer
sub.h ka dhoka hua hai shaam par
chand ko dekha achanak baam par
juz mire suraj parinde aadmi
sab nikal jaate hain apne kaam par
baryabi ke liye jaa.en magar
dil ThiThak jaata hai pahle gaam par
par lage ḳhushbu ko tere zikr se
muskura.e phuul tere naam par
be-zarurat ghar se niklen aur phir
shai ḳhariden koi mahnge daam par
ḳhamushi achchhi hai lekin is qadar
kuchh to bolen aap is kohram par
ai junun ye ji men aata hai kabhi
vaqf kar den ḳhud ko tere naam par
aankh men ‘faruq’ aansu aa ga.e
kya fasana aa gaya anjam par
Leave a Reply