Jo Guzri Mujh Pe Mat Us Se Kaho Hua So Hua

jo guzri mujh pe mat us se kaho hua so hua

bala-kashan-e-mohabbat pe jo hua so hua

mabada ho koi zalim tira gareban-gir

mire lahu ko tu daman se dho hua so hua

pahunch chuka hai sar-e-zakhm dil talak yaaro

koi subu koi marham rakho hua so hua

kahe hai sun ke miri sarguzisht vo be-rahm

ye kaun zikr hai jaane bhi do hua so hua

khuda ke vaste aa darguzar gunah se mire

na hoga phir kabhu ai tund-khu hua so hua

ye kaun haal hai ahval-e-dil pe ai ankho

na phuut phuut ke itna baho hua so hua

na kuchh zarar hua shamshir ka na hathon ka

mire hi sar pe ai jallad jo hua so hua

diya use dil o diin ab ye jaan hai ‘sauda’

phir aage dekhiye jo ho so ho hua so hua

Leave a Comment