Ruk Ja Hujum-E-Gul Ki Abhi Hausla Nahin

ruk ja hujum-e-gul ki abhi hausla nahin

dil se khayal-e-tangi-e-daman gaya nahin

jo kuchh hain sang-o-khisht hain ya gard-e-rah-guzar

tum tak jo aae un ka koi naqsh-e-pa nahin

har astan pe likhkha hai ab nam-e-shahr-yar

vabistagan-e-dil kai liye koi ja nahin

sad-haif us ke haath hai har zakhm ka rafu

daman men jis ke ek bhi tar-e-vafa nahin

Leave a Comment