Lutf Aaya Hai Jaan-Fishani Mein

lutf aayā hai jāñ-fishānī meñ

hijr kaaTā hai zindagānī meñ

sar jhukā.e adab se aatī hai

maut mausam kī rājdhānī hai

kaise ḳhush maiñ dikhā.ī detā nā

zikr merā bhī thā kahānī meñ

ek beTā milā thā minnat se

mar gayā thā vahī javānī meñ

rañg badlā huā hai aaj us kā

zahr lagtā hai yaar paanī meñ

tai karūñgā sabhī manāzil ko

aaj rañgīn shab suhānī meñ

phañs chukā hai guzishta din se ‘sahar’

ek āfāt-e-nā-gahānī meñ

Leave a Comment