Pratap Somvanshi
subah se raat tak ghar men baTi hai
zara sa chheḌ do to hans paḌi hai
koi ehsas jab kandha chhue to
ḳhushi se agle hi pal ro paḌi hai
koi mushkil men ho aage dukhi hai
ki us ke haath men jadu-chhaḌi hai
bahut roti hai par tanha.i men
sabhi rishton ki vo taqat bani hai
main us ki tilmilahaT dekhta huun
kisi ne baat jab jhuTi kahi hai
use mahsus karta huun main jitna
vo us se aur bhi gahri mili hai
bharosa jaise jaise baḌh raha hai
ka.i parton men vo khulne lagi hai
chamak chehre pe us ke lauT aa.i
koi ummid ki lau jal uThi hai
Leave a Reply