soz se saaz kiya chahiye ab
nai se avaz kiya chahiye ab
kha ke tir-e-nigah-e-naz us ko
qadr-andaz kiya chahiye ab
jis men ji jism men aa.e ai jaan
haan vo ejaaz kiya chahiye ab
dil men aata hai tire gham ko yaar
mahram-e-raz kiya chahiye ab
kaan tak us ke to pahunche yakbar
aisi avaz kiya chahiye ab
husn ka vasf tire surat-e-ḳhat
ḳhama-parvaz kiya chahiye ab
roghan-e-qaz male vasf-e-naz
taaza pardaz kiya chahiye ab
ta na ho ta.ir-e-jan said kahin
chashm-e-dil-baz kiya chahiye ab
ta.ir-e-fikr ko susti se ‘vaqar’
tez parvaz kiya chahiye ab
Leave a Reply