Gautam Rajrishi
hava jab kisi ki kahani kahe hai
na.e mausamon ki zabani kahe hai
fasana hai jismon ka be-shak zamini
magar ruuh to asmani kahe hai
tujhe chal zara sa main miTha bana duun
samundar se dariya ka paani kahe hai
Dasa rat-jagon ne hai ḳhvabon ko phir se
sulagti hui rat-rani kahe hai
laTen chand chandi ki baḳhshin tujhe ja
vida.a leti mujh se javani kahe hai
hai chaḌhne lagi phir se Dhalti hui umr
tiri shirt ye za.afrani kahe hai
na.i baat ho ab na.e giit chheḌo
guzarti ghaḌi har purani kahe hai
Leave a Reply