soz-o-gudaz-o-jazb-o-asar kaun le gaya
ham se mata-e-dard-e-jigar kaun le gaya
kya ho gaya hai gardish-e-dauran tu hi bata
husn-o-jamal-e-sham-o-sahar kaun le gaya
shoridgi-e-ishq ki lazzat kahan ga.i
sauda tha jis men tera vo sar kaun le gaya
manzil ki samt baḌhte nahin kis liye qadam
ai dil mata.a-e-azm-e-safar kaun le gaya
din men harim-e-naz ke jalve the sab nihan
shab men rida-e-najm-o-qamar kaun le gaya
charche the ilm-o-fazl ke duniya-jahan men
ganjina-ha-e-ilm-o-hunar kaun le gaya
jibril ke bhi jalte hain par jis jagah ‘habab’
us ja pe ḳhak-e-pa-e-bashar kaun le gaya
Leave a Reply