Sufi

Khushi Ke Waqt Bhi Tujhko Malal Kaisa Hai

khushi ke vaqt bhi tujh ko malal kaisa hai

uruj-e-husn men naqs-e-kamal kaisa hai

jo ek duuje ko chahen to kyuun na apna len

ye dil se puchh ke batla khayal kaisa hai

nahin jo aane ke sab un ki raah takte hain

ye intizar ka shahr-e-vabal kaisa hai

hai jis ke saath jude ik hazar ik khadshe

vo hijr kaisa hai ‘hamid’ visal kaisa hai

More Poems

Leave a Comment