Sufi
siyah-rat pasheman hai ham-rakabi se
vo raushni hai tire gham ki mahtabi se
saba ke haath hai ab izzat-e-nigah miri
chaman mahakne laga gul ki be-hijabi se
farar un se hai mushkil vo dastaras men nahin
ye zard zard se mausam vo din gulabi se
lahu lahu nazar aati hai shakh-e-gul mujh ko
khile vo phuul tiri taaza inqilabi se
ajab nahin hai ki pa jaaen qafile manzil
hamare naqsh-e-qadam ki sitara-tabi se
koi kitab jo kholen to kya padhen ‘fakhir’
khulin nigah men chehre agar kitabi se
Leave a Reply