Bubbles Hora Saba
soz-e-firaq dil men chhupa.e hue hain ham
aur lab pe ik sukut saja.e hue hain ham
jo ashna nahin hain mohabbat ki aanch se
kyuun aas un se phir bhi laga.e hue hain ham
sho.ale jo bujh chuke hain unhen tum hava na do
dil men hi ek aag laga.e hue hain ham
tauba re in ki sang-dili aur shauq-e-did
kya ḳhuub haal apna bana.e hue hain ham
kahne ko duur ham se bahut duur vo sahi
par fasle dilon ke miTa.e hue hain ham
jaate hain de ke vo to ‘saba’ rut ḳhizaon ki
dil ke chaman to phir bhi khila.e hue hain ham
Leave a Reply