soz-e-darun hamara zahir na ho kisi par
ik daagh lag na jaae daman-e-ashiqi par
lazim hazar hai ai dil ah-o-fughan se daaim
aata hai harf us se daava-e-dosti par
rah-e-vafa men koi deta hai saath kis ka
gham kyuun manaen nahaq ham apni bekasi par
nazan jamal-e-parda gharra ada pe un ko
mujh ko bhi fakhr lekin hai jazb-e-ashiqi par
mamnun ‘qadri’ huun us nukta-chin ka dil se
tanqid jis ki saiqal hai meri shairi par
Leave a Reply