Firaq Gorakhpuri
raz-e-alam se hai shayad ki mira raaz juda
mujh se milne men hai us aankh ka andaz juda
koi aisi nafson se bhi ho dam-saz juda
dil ka andaz juda saaz juda raaz juda
bad-guman ishq ko sad vahm-o-yaqin ke khatke
shokhi-e-chashm sukhan-saz hai ghammaz juda
yuun hi kya kam hai tiri yaad ki dil ko chheden
zulf-e-pur-kham lab-e-rangin nigah-e-naz juda
uqda-e-pech-o-kham-e-zulf ka khulna maalum
raz-e-alam se hai ye silsila-e-raz juda
tangi-o-vusat-e-kaunain men nisbat kaisi
dar-e-tauba se dar-e-mai-kada ho baaz juda
ah-o-zari se kabhi saz-e-mohabbat na chhuda
gham ka andaz juda ishq ka andaz juda
husn ki shaah talavvun udhar ik afat-e-jan
vahime dil ke udhar tafarqe parvaz juda
barq-e-avaz jala de ye niyastan-e-jahan
saz-e-hasti se hai saz-e-lab-e-eajaz juda
badhte bhi jaate hain sab ahl-e-jahan su-e-adam
umr-e-rafta bhi diye jaati hai avaz juda
pai-ba-pai udte hue hosh ke andaz alag
tarz-e-barq-e-nigah-e-husn-e-junun-saz juda
nigah-e-naz diye jaati hai paigham-e-hayat
maut se khel rahe hain tire janbaz juda
kuchh ishare hain udhar shokhi pinhan ke ‘firaq’
hai sukut-e-nigah-e-naz sukhan-saz juda
Leave a Reply