adeel-zaidi

Jahan-e-Ilm Ka Bab-e-Nisab Hote Hue

jahan-e-ilm ka bab-e-nisab hote hue

bhatak raha huun main ahl-e-kitab hote hue

kuchh aur bhi hai kharabi ki dusri surat

main khud ko dekh raha huun kharab hote hue

jo kaam dil ko mire fitratan nahin bhate

unhen main kar nahin paata savab hote hue

mire hi dam se hai jo kuchh bhi is jahan men hai

main kaise khud ko bhula duun janab hote hue

‘adil’ jo the in ankhon ki raushni kal tak

vo chehre dekh raha huun main khvab hote hue

More Poems

Leave a Comment