Poet
sab ko ye fikr haath se ab ek pal na jaa.e
duniya hudud-e-vaqt se aage nikal na jaa.e
sab ko fareb de magar itna rahe ḳhayal
bahrup bharte bharte ye chehra badal na jaa.e
gham se nibah kijiye is tamkanat ke saath
dil ka sharara aankh ki had tak machal na jaa.e
zauq-e-nazar diya hai to zarf-e-nazar bhi de
Dar hai mujhe shu.ur ki vus.at nigal na jaa.e
sunta huun aap meri ayadat ko a.enge
karta huun sau jatan ki tabi.at sambhal na jaa.e
vo dard hai ki phaT na paḌe dil kahin ‘nadim’
vo ḳhauf hai ki riiḌh ki haDDi pighal na jaa.e
Leave a Reply