jab na aane ki qasam aap ne kha rakkhi thi
main ne phir kis ke liye sham.a jala rakkhi thi
rakh diya un ko bhi jholi men sitamgaron ki
main ne jin hathon se buniyad-e-vafa rakkhi thi
janta kaun bhala kaise kisi ke halat
vaqt ne biich men divar uTha rakkhi thi
is liye chal na saka koi bhi ḳhanjar mujh par
meri shah-rag pe miri maan ki dua rakkhi thi
kis liye mujh ko na suuli pe chaḌhaya jaata
munsifon ne ye mire sach ki saza rakkhi thi
Leave a Reply