dast-e-sumum dast-e-saba kyuun nahin hua
dar mausam-e-bahar ka va kyuun nahin hua
zalim the vara-e-hisab-o-kitab kya
un par nuzul-e-qahr-e-khuda kyuun nahin hua
un ke saron pe kyuun nahin tutin qayamaten
an ke gharon men hashr bapa kyuun nahin hua
gunji na kyuun falak se koi ayat-e-ghazab
ye gumbad-e-sukut sada kyuun nahin hua
dil men hain kis umiid ke panje gade hue
ye maas nakhunon se juda kyuun nahin hua
Leave a Reply