chhin gai teri tamanna bhi tamannai se
dil bahalte hain kahin hausla-afzai se
kaisa raushan tha tira niind men duuba chehra
jaise ubhra ho kisi khvab ki gahrai se
vahi ashufta-mizaji vahi khushiyan vahi gham
ishq ka kaam liya ham ne shanasai se
na kabhi aankh bhar aai na tira naam liya
bach ke chalte rahe har kucha-e-rusvai se
hijr ke dam se salamat hai tire vasl ki aas
tar-o-taza hai khushi gham ki tavanai se
khil ke murjha bhi gae fasl-e-mulaqat ke phuul
ham hi farigh na hue mausam-e-tanhai se
Leave a Reply