neena-sahar

Bahut Socha Kiye Kya Zindagi Hai

bahut socha kiye kya zindagi hai

faqat ik dhund men avargi hai

tabiat men jo ye shaistagi hai

tumhare naam se vabastagi hai

kureda baad barson ke to dekha

mire zakhmon men ab bhi tazgi hai

kisi ke saath huun aise azal se

samundar saath jaise tishnagi hai

mire khvabon men apna ghar bana lo

nagar men ab kahan pakizgi hai

koi mausam na laega savera

tumhare zehn men gar tirgi hai

More Poems

Leave a Comment