so.e hue badan sar-e-mahshar uTha.iye
ye kya ki bar-e-umr mukarrar uTha.iye
ankhon men khinch lijiye aks-e-jamal-e-yar
ik kuza-e-atash men samundar uTha.iye
dil sang hai to sang ko namnak kijiye
is nam se phir ḳhamir-e-gul-e-tar uTha.iye
ankhen bichha.e rakhiye sar-e-rah-e-intizar
palkon pe naz-o-ghamza-e-dilbar uTha.iye
jab maslahat ho bai’at-e-shab-e-zad pe musir
koi charagh bar-sar-e-sarsar uTha.iye
duniya hai ik uruus hazar ashna ‘muhib’
ab hajla-e-urus se bistar uTha.iye
Leave a Reply