Rais Amrohvi
siyah hai dil-e-giti siyah-tar ho jaa.e
ḳhuda kare ki har ik shaam be-sahar ho jaa.e
kuchh is ada se chale bad-e-barg-rez ḳhizan
ki duur tak saf-e-ashjar be-samar ho jaa.e
baja.e rang rag-e-ghuncha se lahu Tapke
khile jo phuul to har barg-e-gul sharar ho jaa.e
paḌe jo haath chaman men ba-qasd-e-gul-chini
misal-e-panja-e-qassab ḳhuun men tar ho jaa.e
farogh-e-mahr se ho iḳhtilaj-e-qalb-e-fuzun
bahana-e-ḳhafaqan jalva-e-qamar ho jaa.e
zamana pi to raha hai sharab danish ko
ajab nahin ki yahi zahr kargar ho jaa.e
koi qadam na uThe su-e-manzil-e-maqsud
dua ye kar ki har ik raah pur-ḳhatar ho jaa.e
Leave a Reply