siva ḳhuda ke nahin koi dast-gir apna
vahi muiin hai aur hai vahi nasir apna
usi ke naam se paata hai kam-e-jan lazzat
usi ka ism mubarak hai dil-pazir apna
vo aap jaisa shahanshah hai karim-o-rahim
kiya hai chhanT ke vaisa hi bas vazir apna
usi ka ism mubarak mohammad-e-arabi
vahi shafi.a hai bas roz-e-dar-o-gir apna
janab-e-shah-e-ghulam-ali vali-allah
ḳhuda ke fazl-o-karam se hai ‘aish’ piir apna
Leave a Reply