Sitam-Zada Kai Bashar Qadam Qadam Pe The

sitam-zada kai bashar qadam qadam pe the

shikasta dil shikasta ghar qadam qadam pe the

mile hain rahzanon ki saf men vo bhi aḳhirash

sharik-e-rah jo rahbar qadam qadam pe the

hua guzar hamara kaise shahr-e-ilm men

ki nukta-dan o dida-var qadam qadam pe the

hai kya ajab ki ḳhvab tha vo manzar-e-hasin

hazaron log ḳhush-nazar qadam qadam pe the

the jauq jauq as-pas kargas o uqaab

parind kuchh shikasta-par qadam qadam pe the

hamara ‘akbar’ ek hi ḳhuda tha aur bas!

nisar but-parast go sanam sanam pe the

Leave a Comment