Tumhaari Yaad Ke Har Shai Se Nazare Nikalte Hain

tumhārī yaad ke har shai se nazāre nikalte haiñ

jo mujh se farz chhūTe un ke kaffāre nikalte haiñ

duāoñ kā asar maañ ke laboñ se phuuT paḌtā hai

maiñ jab be-chāra hotā huuñ ka.ī chāre nikalte haiñ

kabhī masjid kī be-hurmat kabhī apmān mandir kā

amīr-e-shahr ke ghar se ka.ī dhāre nikalte haiñ

kahāñ kā ilm kaisī degrēyāñ ye haal hai ki ab

jahāñ sūraj talāsho ghor añdhiyāre nikalte haiñ

yahī gar faisla hai aap kā to ye bhī sun liije

hamāre saath yādoñ ke ka.ī dhāre nikalte haiñ

Leave a Comment