Poet
jab shaam hui dil ghabraya log uTh ke bara.e sair chale
taftish-e-sanam ko su-e-haram ham jaan ke dil men dair chale
go bahr-e-alam tufani hai har mauj adu-e-jani hai
ab paanv rukenge kya apne is dariya ko ham pair chale
ab kaam hamara yaan kya hai ye aana jaana beja hai
jis vaqt tumhari sohbat men ham hon aur hukm-e-ghair chale
ham samjhe the yaan a.enge din thoḌa hai rah ja.enge
par dil ki hasrat dil men rahi jab su-e-makan-e-ghair chale
go ranj-e-juda.i hai dil par be-vaqt hai ye daur-e-saghar
baiThe hain ‘habib’ ahbab magar ab tum bhi kah do ḳhair chale
Leave a Reply