main jo mar ja.un ajab aalam rahe
gham ko bhi marne ka mere gham rahe
arzu-e-vasl men kya dam rahe
ḳhun-e-dil aa kar labon par jam rahe
chuḌiyon ki haa.e vo dilkash sada
hashr tak yarab mira matam rahe
be-ḳhudi hai ḳhud-faramoshi nahin
ham nahin hain aap men gar ham rahe
jab kisi ki be-kasi yaad aa ga.i
qatl men dast-e-sitam-gar tham rahe
samne se haT na o a.ina-ru
jab tak in ankhon men kuchh kuchh dam rahe
uf na kar ‘safdar’ tah-e-tegh-e-sitam
gardan-e-taslim vaan bhi ḳham rahe
Leave a Reply