kaun hai ziya-afgan chand mein sitare mein

kaun hai ziyā-afgan chāñd meñ sitāre meñ

aag kis kī hai raushan barq ke sharāre meñ

jalva-āfrīñ āḳhir ho gayā mire haq meñ

dil kā jazb ho jaanā har hasīñ nazāre meñ

tere ik tabassum se rūh-e-zindagī shādāñ

kaam hai tamām us kā tere ik ishāre meñ

sāmne hai bahr-e-ishq aur hai duā merī

yaar huuñ kināre par yā huuñ tez dhāre meñ

bazm-e-nāz meñ āḳhir baar mil gayā sab ko

kyā huzūr kā farmāñ hai ’tilak’ ke baare meñ

Leave a Comment