Ye Shishe Dil Ke Jo Bikhre Hue Hain

ye shīshe dil ke jo bikhre hue haiñ

tumhāre ishq meñ TuuTe hue haiñ

abhī bhī vaqt hai tum lauT aao

tumhāre vāste Thahre hue haiñ

ye sach hai bachpanā kīchaḌ meñ biitā

batāo kab magar maile hue haiñ

ye hijrat sirf hijrat hī nahīñ hai

hamārī ruuh ke TukḌe hue haiñ

haqīqat bolne vaale jahāñ meñ

batāo kab kise pyāre hue haiñ

Leave a Comment