Sufi

Pade Hain Mast Bhi Saqi Ayagh Ke Nazdik

pade hain mast bhi saaqi ayagh ke nazdik

hujum par hain patange charagh ke nazdik

hamare ashk mitate hain dagh-e-dil ki bahar

ye ab-e-shor ki nahren hain baagh ke nazdik

safai yaar se mele men ho gai apni

malal duur hua aish-bagh ke nazdik

vo dil-jale hain ki aae ‘mehr’ thanDa karne ko

hava na aa ke hamare charagh ke nazdik

More Poems

Leave a Comment