guzishta shab hama-auqat gharq-e-jam rahe
kabhi ḳhuda se kabhi us se ham-kalam rahe
dua-e-aḳhir-e-shab men usi ko manga hai
jo qatl-e-harf-e-tamanna pe shad-kam rahe
kabhi jo aa.i bhi takmil-e-arzu ki ghaḌi
jo na-tamam the qisse vo na-tamam rahe
diye saje rahen palkon pe dil sulagta rahe
vo aa.e ya ki na aa.e ye iltizam rahe
lahu lahu dil-o-jan hon par apne qatil ka
‘shamim’ kuchh bhi ho malhuz ehtiram rahe
Leave a Reply