sitam ke vaar se zanjir surḳh hone lagi
shikast-e-zist ki tasvir surḳh hone lagi
mire badan ka lahu bhi to is men shamil hai
jala charagh to tanvir surḳh hone lagi
koi bhi zaḳhm mire jism par nahin lekin
pasina Tapka to tahrir surḳh hone lagi
hamare baḳht ka suraj ghurub hone se
har ek qaum ki taqdir surḳh hone lagi
jo ik zamane se divar par hai laTki hui
na jaane kaise vo shamshir surḳh hone lagi
har ek aankh men kya ḳhuun agar gaya ‘atish’
ki munh se nikli to taqrib surḳh hone lagi
Leave a Reply