Ayub Khawar
ik tum ki ho be-ḳhabar sada ke
mausam hai ki haath mal raha hai
zahir men saba-ḳhiram ḳhushbu
batin men nifaq pal raha hai
ai lazzat-e-hijr yaad rakhna
ye lamha-e-vasl khal raha hai
a.ine men aks Dhal raha hai
paani men charagh jal raha hai
ankhon men ghubar manzilon ka
qadmon men sarab chal raha hai
jaise koi yaad aa raha ho
ankhon men nasha pighal raha hai
ham us ke mizaj-ashna hain
jo baat ka ruḳh badal raha hai
Leave a Reply