Poet
sitam hai vo phir bad-guman ho raha hai
pas-e-imtihan imtihan ho raha hai
ḳhushi kyuun na ho qatl hone ki mujh ko
vo na-mehrban mehrban ho raha hai
tasadduq tujhi par zamin ho rahi hai
tujhi par fida asman ho raha hai
mujhe hichkiyon ne ḳhabar di hai aa kar
mira zikr jo kuchh vahan ho raha hai
chalo sair kar aa.en jannat ki ‘ashiq’
ajab kuchh tamasha vahan ho raha hai
Leave a Reply