dil Wo Pyasa Hai Ki dariya Ka Tamasha dekhe

dil vo pyasa hai ki dariya ka tamasha dekhe

aur phir lahr na dekhe kaf-e-dariya dekhe

main har ik haal men tha gardish-e-dauran ka amiin

jis ne duniya nahin dekhi mira chehra dekhe

ab bhi aati hai tiri yaad pa is karb ke saath

TuTti niind men jaise koi sapna dekhe

rang ki aanch men jalta hua ḳhushbu ka badan

aankh us phuul ki tasvir men kya kya dekhe

koi choTi nahin ab to mire qad se aage

ye zamana to abhi aur bhi uncha dekhe

phir vahi dhund men lipTa hua paikar hoga

kaun be-kar men uThta hua parda dekhe

ek ehsas-e-nadamt se laraz uThta huun

jab ram-e-mauj miri vus.at-e-sahra dekhe

Leave a Comment