Ishq Ki Gum-Shuda Manzilon Mein Gai

ishq ki gum-shuda manzilon men gai

zindagi laut kar daldalon men gai

yas-o-hasrat bhari be-aman zindagi

aas ke reshmi anchalon men gai

vo sada jo fughan ban ke utthi magar

khamushi ke ghane jangalon men gai

tum se ho kar juda yak-nafas dosto

zindagi marghaton daldalon men gai

kaun jaane ki udti hui dhuup bhi

kis taraf kaun si manzilon men gai

subh-dam rang nikhra har ik shakh ka

raushni shabnami konpalon men gai

Leave a Comment