tavil lagti ho gar rahguzar to jaane do
hua ho pairon ko mushkil safar to jaane do
phir ek roz sada ban ke ham bhi gunjenge
badan hamara ḳhamoshi se bhar to jaane do
mujhe bhi ilm hai kitna bigaḌ chuka huun main
dobara ban nahin sakta agar to jaane do
hamare saath agar hain to apne hi saa.e
jo DhunDhte ho yahan par shajar to jaane do
bana.enge kabhi ḳhud ko karenge phir yakja
hamen tasalli se pahle bikhar to jaane do
tumhen bhi de ke jagah haath azma.enge
magar guzishta ka is dil se Dar to jaane do
ik ek niind ke jhonke ka badla lenge ham
tumhari ankhon men ham ko utar to jaane do
ye ehtiyat baratna tha ishq se pahle
ab is ke ba.ad agar jaa.e sar to jaane
Leave a Reply