Gopal Mittal
shadan na ho gar mujh pe kaḌa vaqt paḌa hai
tu zad men hai jis vaqt ki us se bhi kaḌa hai
hai dhuup mire sar pe magar tu bhi miri jaan
girti hui divar ke saa.e men khaḌa hai
kya shaan hai vallah husain-ibn-e-ali ki
sar kaT gaya qad phir bhi harifon se baḌa hai
ham laash samajh kar jise phenk aa.e the vo shaḳhs
chaTTan ki manind alam ban ke khaḌa hai
haan TuuT gaya vo bhi shajar tha jo tanavar
kuchh der magar tund havaon se laḌa hai
Leave a Reply