haif dil men tire vafa na hui
kyuun tiri chashm men haya na hui
yaar ne nama-bar se khat na liya
meri khatir aziiz kya na hui
rah gaya duur tere kuche se
khaak bhi meri pesh pa na hui
kat gai umr meri ghaflat men
kuchh tiri bandagi ada na hui
dud-e-dil teri zulf tak pahunche
aah yaan tak miri rasa na hui
chashm-e-khun-khvar se ‘fughan’ dekha
dil-e-bimar ko shifa na hui
Leave a Reply