Raaton Mein Jab Suni Kabhi Shahnai Der Tak

Moni Gopal Tapish

raton men jab suni kabhi shahna.i der tak

rag-rag men tere gham ne li angḌa.i der tak

sunte hain bazm-e-yar men chehre utar ga.e

kis ne vafa ki dastan dohra.i der tak

ziine se asman ke utar aa.i chandni

angan men aa ke baiThi to susta.i der tak

ik muḳhtasar se lamhe ne pahchan chhin li

yuun to rahi hai un se shanasa.i der tak

miT miT ke naqsh dil pe ubharte rahe ‘tapish’

zaḳhmon se khelti rahi purva.i der tak