ji men kya kya miri umaha tha
par hua vo jo haq ka chaha tha
nibhi jab tak ki ham nibah sake
aap ne ham ko kab nibaha tha
luqqe do chaar saath jaate the
kaisa kal raat hi-hi haaha tha
chakki raaha tha kya bala ye raqib
chakki sa munh to is ka raaha tha
kuche tere men raat ko jo gae
bhule ham vaan jahan doraha tha
tum jhatak gae kuchh in dinon pyare
tok kis ne tumhen saraha tha
tum pe tha jab ki alam-e-tajrid
un dinon main bhi bin-biyaha tha
jis gali biich ja nikalte the
tum par aur ham pe aaha aaha tha
aa ke tujh se jo tha mila lad kar
paaya kya ‘azfari’ ne laaha tha
Leave a Reply