Afzal Ahmad Syed
sirf ghair-aham shaer
yaad rakhte hain
bachpan ki ghair-zaruri aur safed phulon vaali tam-chini ki plate
jis men roti milti hai
sirf ghair-aham shaer
be-sharmi se likh dete hain
apni nazmon men
apni mahbuba ka naam
sirf ghair-aham shaer
yaad rakhte hain
bad-tamizi se talashi liya hua ek kamra
baagh men khadi hui ek ladki ki tasvir
jo phir kabhi nahin mili
Leave a Reply