dekh tariḳh ke ḳhazane men
hai mira zikr har zamane men
yuun bhi umren qalil hoti hain
kyon ganvate ho azmane men
is ki qisten chukani paḌti hain
kuchh nahin lagta dil lagane men
ek lamhe men kho na dena use
lag ga.i umr jis ko paane men
Daal denge ḳhulus ki chadar
aur kya hai gharib-ḳhane men
gham na kiije ki ham to hain mash.hur
jaan kar bhi fareb khane men
thak ga.e agahi ke haath ‘mujib’
sang ko aa.ina banane men
Leave a Reply