nazaa men gar miri balin pe tu aaya hota
is tarah ashk main ankhon men na laaya hota
mere khurshid na hota ye mira roz-e-siyah
tu ne gar zulf men mukhda na chhupaya hota
bagh-e-jannat men bhi kya khuub guzarti meri
vaan bhi sar par jo tiri zulf ka saaya hota
naseha chak-e-gareban ke silane se husul
chaak ankhon ka miri tu ne silaya hota
phuul padta na ‘khaliq’ atish-e-gul se us par
ashiyan ham ne tuk uncha jo banaya hota