sab madari hain tamasha bhi hai koi koi
ab unhen dekhne vaala bhi hai koi koi
meri ḳhamoshi ko tanha.i samajhne vaalo
mahfil-e-dil men to aata bhi hai koi koi
surḳh miTTi men gire aansu bane hain moti
ḳhaak se DhunDh ke laata bhi hai koi koi
hanste hanste hue aansu bhi nikal aate hain
rote rote hue hansta bhi hai koi koi
chhoḌ jaata hai to jaa.e ye hujum-e-duniya
majma.a-e-ghair se aaya bhi hai koi koi
‘mir’ to miir hai sahab to nahin hai sahab
‘mir’ ke daur men sauda bhi hai koi koi
teri duniya men mira zikr rahega ‘manzar’
surat-e-sher men dekha bhi hai koi koi
Leave a Reply