Kal Wasl Mein Bhi Nind Na Aai Tamam Shab

kal vasl men bhi niind na aai tamam shab

ek ek baat par thi ladai tamam shab

ye bhi hai zulm to ki use vasl men raha

zikr-e-tulu-e-subh-e-judai tamam shab

kis be-adab ko arz-e-havas har nigah men thi

aankh us ne bazm men na uthai tamam shab

yaan iltimas-e-shauq vahan ehtiraz-e-naz

mushkil hui thi ohda-barai tamam shab

kya sar pe kohkan ke hui be-sutun se aaj

‘mamnun’ sada-e-tesha na aai tamam shab

Leave a Comment