Sayeda Fatima Rizvi
koi to baat kijiye sahab
duur ḳhadshat kijiye sahab
dil men hai aap ki ḳhushi ki talab
dil ki kya baat kijiye sahab
aap se aḳhiri ho ya ho pahli
ik mulaqat kijiye sahab
hijr ki dhuup men na jalne den
pyaar ki raat kijiye sahab
aap hain mehrban bahut mere
kyon shikayat kijiye sahab
main ne dekhe hain dukh-o-sukh ke din
mujh se kya baat kijiye sahab
‘fatima’ zindagi guzar jaa.e
kyon madarat kijiye sahab
Leave a Reply