main kab se kitna huun tanha tujhe pata bhi nahin
tira to koi ḳhuda hai mira ḳhuda bhi nahin
kabhi ye lagta hai ab ḳhatm ho gaya sab kuchh
kabhi ye lagta hai ab tak to kuchh hua bhi nahin
kabhi to baat ki us ne kabhi raha ḳhamosh
kabhi to hans ke mila aur kabhi mila bhi nahin
kabhi jo talḳh-kalami thi vo bhi ḳhatm hui
kabhi gila tha hamen un se ab gila bhi nahin
vo chiḳh ubhri baḌi der gunji Duub ga.i
har ek sunta tha lekin koi hila bhi nahin
Leave a Reply