Sine Se Tir-E-Yar Ka Paikan Nikal Gaya

Poet

siine se tir-e-yar ka paikan nikal gaya

afsos ghar men aan ke mehman nikal gaya

hairan huun main bata to hua jis pe tu ḳhafa

kya aisa mere munh se miri jaan nikal gaya

kuchh chashni-e-ishq se vaqif tha qais so

divana ho ke su-e-bayaban nikal gaya

ashkon ke saath siine se le ab to rahm kar

ḳhuun ho ke dil bhi dida-e-giryan nikal gaya

tir-e-nigah-e-yar ka kya hoga toḌ jab

siine ke paar yaar ka paikan nikal gaya

baḳhshish ko us ki dekh ke sab dil se ḳhauf-e-hashr

muzhda ho ai nadamat-e-isyan nikal gaya

vo chhuTta hai qaid se hasti ki jo koi

ho bu-e-gul ki tarah se uryan nikal gaya

ai ‘aish’ ja-e-ghaur hai shikva ho us ka kya

insaniyat se apni jo insan nikal gaya