Asif Ud Daula
siine men daagh hai tapish-e-intizar ka
ab kya karun ilaaj dil-e-dagh-dar ka
us se mujhe milao ki marta huun hijr men
baais hai zindagi ka miri vasl yaar ka
sayyad ab to chhod de aati hai fasl-e-gul
dekhunga haae kyuun ki tamasha bahar ka
shayad tumhare diin men hai ai dilbaro rava
dil chhin lena ashiq sina-figar ka
shabnam nahin hai barg ke uupar chaman ke biich
‘asif’ gira hai ashk kisi be-qarar ka
Leave a Reply