Poet
siine hain chaak aur gareban sile hue
tufan hain sat.h-e-ab ke niche chhupe hue
ik umr-e-muḳhtasar bhi guzari nahin ga.i
sadiyan agarche guzri hain dukh jhelte hue
ranj-e-shikasta-pa.i hai ik zad-e-rah-e-shauq
aur umr hone aa.i hai ghar se chale hue
kab faiz pa saka koi shaḳh-e-burida se
kuchh phuul shaḳh par hain abhi tak lage hue
bhule the sang-ha-e-malamat ko ham magar
kuchh zaḳhm is bahar men phir se hare hue
va kar diye hain baḳhiye ne lakhon dahan-e-zaḳhm
baiThe hain jab se apne labon ko siye hue
ishqi tu puchh kaise chhuTa karvan ka saath
muḌ muḌ ke log guzre hamen dekhe hue
Leave a Reply